Sunday, January 29, 2012

Danse Macabre 85 епизода: Најстрашните сцени во најстрашните хорор филмови



What makes you scream!

            На полноќ помеѓу 27 и 28 јануари на радио брановите на Канал 103 започна 85 издание на радио хорор емисијата Danse Macabre во која се говореше за најстрашните сцени во хорор филмовите, сцени кои оставаат силни отпечатоци во потсвеста на гледачот и откако ќе заврши филмот. Оваа епизода беше една колекција на сцени кои се толку впечатливи и моќни што може да го поттикнат стравот кој со себе го носат гледачите. Хорор сцените во оваа збирка се визуелно стимулативни на два начина, едниот е тој со помош на звукот, амбиентот и фотографијата (таквите преовладуваат во изборот на Ивица) и такви кои доминираат со шокантната визуелна стилизација (кои преовладуваат во мојот избор). Екипата на Danse Macabre ја подготви оваа листа виз основа на тоа кои сцени предизвикуваат стравопочит кај нас уште од мали нозе, хорори кои тогаш ги имаме погледнато и филмовите кои подоцна нé фасцинирале. Овие сцени сведочат за филмското наследство и богатство на хорор жанрот и секој хорор фан и љубител на хорор филмови треба да ги погледне, барем стотина пати. Музичкиот сегмент на оваа емисија е концепиран врз основа на неколку композиции од саундтраците од филмовите на оваа листа како: Lost Highway, The Exorcist, Inferno и Suspiria, но покрај нив има и композиции на: Marilyn Manson, Puscifer, Tool, Lustmord, Fantomas, Skinny Puppy и други. Се надеваме дека со оваа епизода ќе ве оставиме преплашени до бескрај и преку радио брановите ќе ги евоцираме вашите трауми кои овие филмови ги имаат предизвикано кај вас, а рационалноста се обидува да ги закопа во вашата потсвест. Оваа епизода ќе ви биде добар шок третман.      
            Јас, Ивица и Боки подготвивме една листа од 25 најстрашни хорор сцени за кои станува збор во емисијата и целосниот изглед на листата може да го погледнете под овој текст, а ако сакате да ги слушнете нашите коментари и образложувања на филмовите од листата под неа се наоѓа линкот за емисијата кој слободно може да го даунлодирате. Уживајте во хорор филмови и плашете се. 

Листа на најстрашни хорор сцени од хорорите според Danse Macabre

25. A Nightmare On Elm Street (силување на ѕид, сцена во када)
24. Halloween (Мајкл Маерс во шкаф)
23. Inside (ножиците и пораѓањето)
22. Psycho (сцената под тушот, убиство на Арбогаст)
21. Jacob’s Ladder (сцена во болница)
20. The Exorcist 3 (сцена во лудница)
19. [Rec] (дете на таван)
18. The Blair Witch Project (финиш на филм)
17. The Ring (видео снимка)
16. Alien (појавување на суштеството)
15. The Thing (отворање на граден кош, тест на крв)
14. Ju-On (сцена на скали)
13. Српски Филм (финална пресметка)
12. August Underground Mordum (последно убиство)
11. The House With Laughing Windows (финале на филмот)
10. Inferno (сцена во библиотеката)
9. Mulholland Dr. (кошмар)
8. Don’t Look Now (девојче со црвен мантил)
7. Candyman (пчели во стомак)
6. The Last Broadcast (откривање на ликот на убиецот)
5. The Texas Chainsaw Massace (семеен ручек http://www.youtube.com/watch?v=zqD-UhsbyHY)
4. The Exorcist (Реган и крст http://www.youtube.com/watch?v=rf7lzhw0EnA)
3. Martyrs (мачење во подрум http://www.youtube.com/watch?v=UfStSnMAjfw)
2. Suspiria (сцена во такси и во шума http://www.youtube.com/watch?v=i7sy72PbvaM)
1. The Shining (соба 237, redrum, девојчиња, лудило на Џек http://www.youtube.com/watch?v=3t60oY0TbTU

 Линк од емисијата: 



The Texas Chainsaw Massacre



The Exorcist
Martyrs
Suspiria

http://www.youtube.com/watch?v=pZ6hgh8kd0A

The Shining

Wednesday, January 18, 2012

Danse Macabre 83 епизода: Оживување на митолошките монструми на Канал 103




Во името на главите на Кербер


            На полноќ помеѓу 13 и 14 јануари 2011 година на фрекфенцијата на Канал 103 започна 83 издание на хорор емисијата Danse Macabre кое беше посветено на митолошките суштества кои се појавуваат во хорор филмовите и уништуваат сé живо и диво. Оваа епизода беше наменета за антагонистите, а не за хероите кои по секоја цена мора да победат во борбите со овие ѕверски продукти на имагинацијата на античките народи. Во овие (скоро) два и пол часа може да слушнете прикази за чудовиштата кои може да се сретнат во хеленистичката митологија како што се Горгоните, Минотаурот, Кербер, Харпии, Кентаури, Химери, Мантикора, Сирени и други, потоа започнавме да се движиме низ меридијаните со африканските Сфинги, Грифон и Молох, ирските Леприкони, скандинавските Тролови, Кракени и Јотун, азиските Змејови, француските Гаргојли, а вклучена беше и една магиска инкантација за античките суштества од Лавкрафтовата имагологија која послужи за нивно оживување во етер (налик Некрономикон од Evil Dead). На крајот ги наговестивме и неколкуте хорор филмови во кои се појавуваат овие величествени креации на човечката фантазија, филмови како: The Gorgon, Land of the Minotaur, Cerberus, Harpies, Q: The Winged Serpent, Malpertius, Cast A Deadly Spell, Troll Hunter, Leprechaun серијалот и споменати беа и мејнстрим класиките како: The Odyssey, Clash of the Titans, Beowulf и Reign of Fire. Музичкиот сегмент на оваа епизода го посветивме на психоделичниот и прогресивен рок енд рол на 70-тите со бендовите како Goblin и Gentle Giant и нивните модерни „реинкарнации“ во психоделичните стонери и пустински рок бендови како: My Sleeping Karma, Temper, Evil Cosmonaut, Sahara Surfers и емисијата ја запечативме со Type O Negative.  
            Во Danse Macabre секој петок е Петок 13-ти, но овој пат и буквално се погоди календарски да го овековечиме овој празник на сите хорор фанови. Јас, Ивица и Боки се обидовме да повикаме што е можно повеќе митолошки суштества во емисијата, но со оглед на лимитираниот простор и време кое го имаме на располагање се надеваме дека ги посочивме барем најпрепознатливите монструми со кои може да се дружите во вашите кошмари. Линкот за емисијата е под текстов, слободно слушнете го. Уживајте во хорор филмови.



Линк за емисијата:
 



Мантикора

Горгони

Молох

Леприкон

Химера

Грифин

Минотаур

Трол

Змеј   
Гаргојл

 


Monday, January 9, 2012

Danse Macabre 82 епизода: Дедо Мраз, Дедо Мраз, дојди убиј и кај нас

Santa’s Slaying Bells




            На полноќ помеѓу 30 и 31 декември 2011 година на фрекфенцијата на радио Канал 103 започна 82 издание на хорор емисијата Danse Macabre, епизода која беше посветена на новогодишните и божиќните празници, односно таа емисија беше тематизирана за филмовите кои посочуваат како треба да се „убива во тој период“. Јас, Ивица и Боки, се обидовме (се надевам успешно) да ви го пренесеме новогодишниот хорор дух во вашите домови презентирајќи едно прилично забавно издание на емисијата. Фокусирани бевме на Дедо Мраз во хорор филмовите, задржувајќи се и на слешерската и на демонската страна од хорор шаблоните. Говоревме за голем број на филмови во кои убиецот го носи ликот на овој старец кој чудно се облекува и сака да се дружи со мали деца, за подароците што ги носи во неговата вреќа како што се Гремлините и Чаки, зборувавме за сценаријата кои не би сакале да ви се случат на овие празници (нешто што може да го погледнете во: P2, Wind Chill, Dead End, Night Train Murders и многу други), а зборувавме и за класичните хорор филмови со дедомразовци како што се: Don’t Open Till Christmas, Silent Night, Deadly Night, Tales From the Crypt, Christmas Evil, како и поновите: Saint, Rare Exports: A Christmas Tale, Santa’s Slay, Jack Frost и многу други. Оваа емисија не би била тоа што е да не е и новогодишната музика, така што помеѓу анализата зошто Дедо Мраз сака да убива на нова година ќе слушнете одличен психобили и хорор панк од: Reverend Horton Head, Zombina & The Skeletones, Ramones, Wednesday 13, Angry Snowmans, Rezurex, The Cramps, божиќните метал обработки на Алис Купер, Чак Били и Леми Килмистер, како и извадоци од новогодишните изданија на албумите на The H. P. Lovecraft Historical Society и Tales From the Crypt. Ова беше последната емисија за 2011 година со што екипата на убијци од Danse Macabre ви посакува крвава Нова Година и црвен Божиќ. Нека 2012 година донесе многу смрт во светот.
            Линкот за емисијата може да го пронајдете под текстов. Danse Macabre внимателно ќе следи што се случува во хорор индустријата и во 2012 година и ќе биде со вас секој петок по полноќ, затоа што секој петок во Канал 103 е Петок 13-ти. Уживајте во хорор филмови и плашете се.



Линк за емисијата:


http://ifile.it/ys2tz6j