Wednesday, March 28, 2012

Кошмар 12 (Есен/Зима 2011/2012)




            Ако Кошмар 11 условно речено беше феминистичкo хорор издание (воден од филмот на насловната страна), тогаш, како по некое непишано правило, филмот од насловната страна изврши големо влијание врз конечниот изглед на новиот број на Кошмар, посебно со неговите крвави ефекти и бескомпромисноста во реализацијата. Така овој број стана тестамент на независните хорор филмови, кој од кој порадикален и поекстремен. Психопатите, манијаците и убијците од филмските платна се префрлија во страниците на ова списание за да ги остварат своите измачувачки и убиствени тенденции. Како изминатите броеви на Кошмар, така и дванаесеттиот нуди една макарбна колекција на најдобрите и најсуровите актуелни хорор филмови од светот. За овој број на Кошмар реализирани се три интервјуа со режисерите од одличниот The Theatre Bizarre во периодот на неговата американска премиера и ексклузивно за македонските читатели разговарав со Џереми Кастен, Бади Џиовинацо и Дејвид Грегори. Во овој број има уште едно интервју, направено со режисерот на одличниот Killers, Мајк Мендез.
            Од актуелните филмови кои сé уште крварат тука ќе може да ги прочитате анализите на гротескниот The Theatre Bizarre, суровите црно-бели The Bunny Games и The Human Centipede 2, британските Kill List, Retreat и Panic Button, филмовите во еден здив: Pig и The Silent House, австралијанскиот Snowtown, cinema verite хорорите Megan Is Missing и Undocumented и непотребниот римејк на The Thing и продолжението наречено Hostel 3. Љубителите на андерграунд филмовите ќе може да уживаат во gorehouse киното со проекциите на Dead Hooker In A Trunk и Father's Day. Тие пак што го сакаат својот хорор зачинет со хумор може да прочитаат неколку пофални зборови за хорор комедиите: The Revenant, Helldriver и Chop. Контињер-от како и секогаш е исполнет со хорор филмовите кои се срам за жанрот. Од старите и добри хорор филмови во салата за обдукции завршија Карпентеровиот Halloweeen, The Tenant на Полански, култниот Dead & Buried, Sympathy For Lady Vengeance на Парк Чан Вук, и црно-белите Man Bites Dog и Bride Of Frankenstein.     
            Од хорор статиите може да прочитате текстови посветени за режисерот Роман Полански, убиецот Пинхед, Phantasm филмскиот серијал, прикази за првите сезони на ТВ сериите Fear Itself и American Horror Story, Cinema Verite хорор поджанрот, текст за злоделата на цензорите, како и хорор панк и грајндерските музички рецензии. Во списанието има нова рубрика посветена за краткометражните хорор филмови, а изборот за во овој број падна на канадскиот Treevenge, австралијанскиот Saw, и епизодата 10.000 Volts: Zombies.  
            Кошмар како и секогаш може да го купите од неговиот автор со контактирање на мејлот: koshmarmk@yahoo.com по цена од само 60 денари. И овој број на списанието е испечатен на 40 страни, со колор насловна и два црно-бели постери. Купете го додека крвавата боја е сé уште свежа. Уживајте во хорор филмови и читајте Кошмар.  

Автор: Златко Ѓелески
Контакт мејл: koshmarmk@yahoo.com
Контакт телефон: 071-602-119




 

Monday, March 26, 2012

Danse Macabre 92 епизода: Violent Cinema. Влијанието на насилството во хорор филмовите. Секири, моторни пили, сатори, чекани, мачети, ножици, убијци и жртви.



BLEED FOR ME

            На полноќ помеѓу 23 и 24 март на брановите на Канал 103 се емитуваше 92-то издание на радио хорор емисијата Danse Macabrе посветено на насилството во хорор филмовите и неговите импликации во реалноста. Во оваа епизода јас Ивица и Боки позборувавме за неиздржаните обвинувања на психолозите и цензорите во поглед на насилните сцени кои се прикажуваат во хорор филмовите и тоа дека не може никаква паралела да се направи помеѓу нив и реалноста, затоа што лажната реалност не создава убијци, туку вистинската реалност ги создава со помош на семејното насилство, образованието и социјалните услови во кои се одгледуваат убијците. Во емисијата позборувавме и за тоа како стравот е најмоќното оружје на медиумите, со оглед на тоа што ударни вести се тие во кои е извршен некој насилен чин и како тоа на најбезболен начин им се сервира на гледачите создавајќи погрешна перцепција за реалноста. Зборувавме и за потребата на луѓето да се плашат во контролирани околности, за нивните примални нагони да може да ги реализираат преку катарзичното празнење со помош на стилизираните крвави сцени на големиот екран. На тој начин хорор филмот ќе си ја изврши својата функција да ја задоволи потребата за плашење исто како што една комедија треба да насмее, еден документарец да едуцира, а еден акционен филм да прикаже херој кој ќе се бори против силите на злото. Музичката подлога за оваа епизода беше доста еклектична, од една страна тука се Louis Armstrong, Tom Waits, David Bowie, Violent Femmes со нивните видувања за насилството во светот, а од друга страна тука се Slayer, Overkill, Marilyn Manson, Liars, Naked City, Мизар, Ministry и нивните музички визии на насилниот свет.
            Линкот за спуштање на емисијата може да го пронајдете под текстов. Оваа емисија беше посветена во одбрана на хорор жанрот, на сето тоа што тој претставува и против сите негативни конотации кои моралните лицемери сакаат да му ги препишат. Danse Macabrе, Кошмар и Мрак Фест со задоволство ќе продолжат да ја шират хорор културата во Македонија, без разлика на тоа на кои душегрижници нашата работа нема да им се допадне. Смрт за политичката коректност и цензурата. Да живее хорор жанрот.       


Линк за емисијата: 

Last House On The Left
I Spit On Your Grave

The Evil Dead

Henry, Portrait Of A Serial Killer

Maniac

The Driller Killer

Flower Of Flesh And Blood
Murder Set Pieces
Irreversible

Inside

Martyrs

A Serbian Film

The Human Centipede 2



Wednesday, March 21, 2012

DANSE MACABRE 91 епизода: Animal liberation through human marination. Подгответе се да бидете изедени



WHO WOULD LIKE TO BE EATEN

            На полноќ помеѓу 16 и 17 март на Канал 103 започна 91 издание на радио хорор емисијата Danse Macabre, посветено на канибалистичките хорор филмови. Во оваа епизода позборувавме за гурманската потреба и желба за јадење на човечкото месо кај луѓето. Позборувавме за религиозниот канибализам, агресивниот канибализам, за сексуалниот канибализам, за економскиот канибализам, за епикурејскиот канибализам и за канибализамот како составен дел од ментална болест, со преимери од реалниот живот, митологијата и легендите и од останатата книжевна и филмска уметност. Позборувавме за тоа како се гледа на канибализамот во племенската заедница со ендоканибализамот и егзоканибализамот и во модерното општество со случаите на автоканибализам и за конзумерската потреба за да се задоволи гладот. Позборувавме и за перверзната потреба да се биде дел од некој друг, за политичката позадина зад бранот на италијанските канибалистички филмови, како и за зависноста од конзумирње на чивечкото месо за да се остане вечно млад. На филмското мени се најдоа: Blood Feast, Last Cannibal World, Cannibal Holocaust, Cannibal Ferox, Eaten Alive!, The Untold Story, Dumplings, Naked Blood, Sweeney Todd, Motel Hell, Delicatessen, Cannibal! The Musical, Ravenous, Trouble Every Day, Silence of the Lambs, In My Skin, The Hills Have Eyes, Cannibal, Dread, The Loved Ones и многу други. На музичкото мени имате избор на композиции кои може да ги слушате за време на вашата сочна трпеза, песни од: Queens Of The Stone Age, Kyuss, Sleep, Sheavy, Radiohead, Blood Sucking Zombies From Outer Space, Grave Robber, DieMonsterDie, Од Вратот Надолу, Autopsy, Cannibal Corpse, Necrophagia, Ultimo Mondo Canibale и многу други.      
Во оваа емисија може да слушнете вкусни рецепти кои може да ги направите со човечкото месо, специјалитетите на куќата Danse Macabre. За потребите на емисијата подготвивме гозба за дегустирање која се состоеше од сите елементи и симболи на едно телесно конзумирање. Се надеваме дека со оваа епизода го задоволивме вашиот апетит, а доколку сакате да ги имате нашите рецепти за подготвување на човечкото месо во вашите домови слободно спуштете ја емисијата од линкот кој се наоѓа под текстов. Запаметете, човек на човек му е канибал. Уживајте во хорор филмови и во конзумирањето на човечкото месо. Се слушаме наредната недела, доколку не бидете изедени.

Линк за емисијата: 


Blood Feast

Last Cannibal World

Cannibal Ferox

Motel Hell

Delicatessen

Silence Of The Lambs

Ravenous

Cannibal The Musical

Trouble Every Day

Cannibal

Dumplings

Naked Blood

Dread

Monday, March 19, 2012

Кошмар 6 (Есен/Зима 2009/2010)


     

       Шестиот број на македонскиот хорор магазин Кошмар е обединувачки број за есенскиот и зимскиот период. Одлуката за овој потег беше донесена за да се зголеми изборот на филмови за анализа од кои квалитетот би излегол на површина. Во ова издание на магазинот има една промена, а тоа е објавувањето на две интервјуа-со режисерот на August Underground, Фред Вогел и со режисерот на Zone Of The Dead, Милан Тодоровиќ. Овие интервјуа се направени со цел на македонскиот хорор фан да му се доближат размислувањата околу создавањето на жанрот директно од луѓето што се виновни за неговото создавање. Кошмар е благодарен за нивните заложби и верувања во магазинот. Покрај овие интервјуа магазинот содржи и анализи на Drag Me To Hell на Раими, Antichrist на Трир, новото продолжение Saw VI и свежите: Grace, Paranormal Activity, Stoic, The Killing Room, Trick ’R Treat, The Collector, Tokyo Gore Police, Doghouse, Zombieland, Halloween 2, Final Destination 4, The Thaw, Offspring, Seventh Moon, контињерот е наполнет со: Giallo, Jenifer’s Body, Orphan, анализирани се и класиките: Ichi The Killer, Re-Animator, Night Of The Living Dead, My Little Eye, August Underground, Dracula, два филма од Guinea Pig серијалот-He Never Dies и Murmaid In A Manhole, епизоди од првата сезона на Masters Of Horror серијалот и четвртата сезона од Dexter, досие на режисерот Стјуарт Гордон и филмскиот убиец Чаки, приказ на серијалот Alien и артикли за J Horror и Трома, фестивалски рапорт, филмски и музички новости, анимираните филмови: The Haunted World Of El Superbeasto и Igor, анализа на новелата D U C K на Попи З. Брајт и расказ на авторот на магазинот.  
            Шестиот број на Кошмар остави уште еден тестамент за развојот на модерниот хорор кој ќе сведочи за крвавите мигови олицетворени на филмска лента од едно време кое во иднината може да биде одличен потсетник за луѓето на кои овие филмови ќе им остават неизбришливи траги во свеста и потсвеста. Нека Кошмар биде и вашето огледало низ морбидниот свет на хорор филмот, канал низ кој преку уживање во уметничките творби ќе ги надживеете вашите стравови, а можеби и ќе пронајдете некое скриено уживање во нив. Да живее хоророт во сите нас! 

Контакт и нарачување: koshmarmk@yahoo.com
Телефон: 071/602-119
Цена: 60 денари




Friday, March 16, 2012

Кошмар 7 (Пролет 2010)




            Седмиот број на македонскиот хорор магазин Кошмар е рекапитулирачко издание за 2009 година. Во пролетното издание на магазинот приложени се интервјуата со младиот режисер на Necromentia, Пери Тео и режисерот на култниот The Blair Which Project, Едуардо Санчез. Во ова издание на магазинот можете да ја погледнете листата за најдобри хорор филмови според Кошмар, избор направен од уредникот на магазинот. Во ова сведоштво на Кошмар може да ги прочитате анализите за продолжението Rec 2; слешерот The Hills Run Red; новиот зомби хорор на Ромеро Survival Of The Dead; психолошко инфериорните Triangle и Red Velvet; зомби радио апокалипсите Dead Air и Pontypool; прегледите на азискиот хорор за 2009 година, научно-фантастичните хорори за 2009 година и After Dark Horror Film Fest-8 Films To Die For за 2010 година; хорор комедиите: How To Be A Serial Killer, I Sell The Dead и Infestation; во контињерот не мора да ги погледнете: Legion, Twilight: New Moon и The 4th Kind, а секако дека мора да ги погледнете класиките: Henry, Portrait Of A Serial Killer, Deep Red, The Fly, Irreversible, The Mist, Тхе Wolf Мan; последните филмови од Guinea Pig серијалот, најреволуционерната епизода од Masters Of Horror серијалот и преглед на првата сезона од серискиот филм True Blood. Во ова издание на Кошмар има досие на режисерот Хершел Гордон Луис и серискиот убиец Норман Бејтс, приказ на серијалот Jaws, артикл за Снаф филмовите, фестивалскиот рапорт, музичките рецензии, филмските новости, како и анализата на хорор романот на Рамси Кемпбел The Overnight и расказ на авторот на магазинот.
            Хорор културата на најдобар начин ги наградува луѓето кои ја создаваат и ја подржуваат, им дозволува да уживаат во мистериозните светови на бизарното и фантастичното, суровото и имагинарното, насладувајќи се од стравот. Уметничките вредности имаат главен збор во хорор жанрот. Сите што се инволвирани во него се горди на нивниот краен продукт, исто како што јас сум горд на седмиот број на Кошмар.

Контакт за нарачување: koshmarmk@yahoo.com
Телефон: 071/602-119
Цена: 60 денари


Thursday, March 15, 2012

КОШМАР 8 (Лето 2010)


   
         Кошмар слави две години на постоење. Со овој осми тестамент Кошмар на своите читатели им ја докажува својата лојална посветеност кон ширењето на гласот за хорор жанрот. Во овие две години Кошмар ја имаше честа низ него да поминат огромен број на модерни хорор класики и незаборавни хорор остварувања од далечното минато. Низ осмиот тестамент се провлекува една ненамерна тематска определба за потенцирање на најсуровите нешта снимени на филмската камера. Тоа можеби се наметна од фактот што Српски Филм стана дел од овој број. Во таа чест можете да читате интервју со балканскиот мајстор на специјалните ефекти Мирослав Лакобрија и едно интервју Трент Хага, Трома ветеранот кој на светот му докажа дека знае да биде успешен пред и зад камерата. Покрај анализата на Српски Филм, во летниот број можете да ги прочитате и анализите на Тотаговиот Murder Collection Vol. 1, Кинговата екранизација на Dolan's Cadilac, Гриновиот Frozen, Боловиот Rampage, Paintball, Knife Edge, австралијанските Penance и The Horseman, хорор комедиите Lesbian Vampire Killers, Smash Cut, Cabin Fever 2: Spring Fever, научно-фантастичните Splice и Repo Man. Како и секогаш има неколку филмови кои се најдоа во контињерот на магазинот. Од класиките низ страниците на осмиот број ќе се сретнете со: слешерот Black Christmas, Pet Sematary, Фулциевиот Zombie, Бутгерајтовиот Necromantic 2 и Faust, Love Of The Damned на Јузна, црнобелиот Dr. Jackyl And Mr. Hyde и анализа на првите два филма од Faces Of Death серијалот. Во ова издание има краток преглед на еволуцијата на Leprechaun серијалот, анализа на првите епизоди од втората сезона на Masters of Horror серијалот и втората сезона на True Blood. Режисерот на кому му е посветено најголемо внимание на неговото животно дело во бројов е Брајан Јузна, убиецот на изданието е Патрик Бејтман, а исто така можете да прочитате еден приказ за канибализам во хорор жанрот и есеј за ритуалната магија и модерниот хорор филм. Како и секогаш тука се вестите од филмските фестивали и хорор филмските остварувања во најава, како и музикчите рецензии на хорор панк и грајнд албуми, како и хорор саундтраци. Four Dark Nights антологијата е анализирана во овој број, во кој има и краток расказ на авторот. Тортата од човечки остатоци е подготвена и на неа се запалени две свеќи. Кошмар ги дува свеќите благодарение на подршката од своите читатели. Нека му е крвав роденденот.

Контакт и нарачување: koshmarmk@yahoo.com
Телефон: 071/602-119
Цена: 60 денари


Monday, March 12, 2012

DANSE MACABRE 90 епизода: Танцот на Ерос и Танатос. The beauty and the victim




When sperm and blood unite

            На полноќ помеѓу деветти и десетти март на брановите на радио Канал 103 се емитуваше деведесеттото издание на радио хорор емисијата Danse Macabre посветено на еротските хорор филмови. Во оваа епизода позборувавме за тоа дека еротиката е неизбежен сегмент од хорор жанрот и е составен дел од неговите тропи уште од неговото создавање. Позборувавме и за заводливоста на злото и еротската предигра како вовед во еден крвав епилог. Во емисијата се зборуваше и за еротизамот во самиот вампиризам и за сексуалноста кај филмовите со зомбија и врколаци, како повторно раѓање на анималните-прималните нагони кај жртвите и една голема игра на моќ и доминација. По оваа предигра и флертот со страшното, преминавме на главните сексуални интерпретации на богатата филмографија на Дејвид Кроненберг и Дејвид Линч, како и една елаборација на сексуалната симболика и значењето на репродуктивноста во научно-фантастичните хорор филмови. Преку маркетиншките експлоататори преминавме во најсуровиот сегмент на емисијата, составен од перверзиите, BDSM, SCAT, некрофилија, порнографија, силувањето и останатите игри кои си ги играат возрасните. Во емисијата беа посочени голем број на филмови и литературни дела кои се занимаваат со овој хорор поджан, започнувајќи од самите почетоци за Дракула, Батори и Кармила, преку вампирските Vampyros Lesbos, Vampyres, The Vampire Lovers, The Hunger, Razor Blade Smile, Trouble Every Day, па се до еден Nekromantik, Haute Tension, Dead Girl, Antichrist, Splice, Аmer и многу други. Од музичкиот сегмент на емисијата секако дека како афродизијак може да ги употребите музичките композиции на: Nick Cave, Nekromantix, Placebo, Queens Of The Stone Age, Т.Б. Трачери, NIN, Marilyn Manson, Opera IX и други. Џорџ Карлин и Бил Хикс беа исто така дел од емисијата и со нивните генијални настапи дадоа осврт на нивното видување на сексуалните перверзии и порнографијата.
              Се надеваме дека екипата на Danse Macabre барем за миг продискутира за неколку од вашите најбизарни фантазии и го разработи вашето либидо. Линкот за емисијата се наоѓа под текстов и слободно може да ја спуштите и да ја чувате во вашите домови за ваше сопствено задоволство. Се слушаме наредната недела, а дотогаш уживајте во хорор филмови повеќе отколку што треба.
           
Линк за емисијата: 



Vampyros Lesbos

Daughters of Darkness
Razor Blade Smile

Shivers
Lost Highway
David Lynch
David Cronenberg
Nektomantik   
Amer
Splice
Antichrist
Entrails of a Virgin