Saturday, February 25, 2012

Danse Macabre 88 епизода: Темната страна на универзумот - таму каде вашиот врисокот никој нема да го слушне



Horror in outer space

            На полноќ помеѓу 17 и 19 февруари на брановите на радио Канал 103 се емитуваше 88 издание на хорор емисијата Danse Macabre посветено на хорор филмовите за вселената. Во оваа епизода јас, Ивица и Боки ги вклучивме погоните на вселенското летало наречено Danse Macabre и со помош на звуците на Eloy и The Cosmic Dead полетавме во големиот универзум во потрага по хорор филмови во кои човечката раса се соочува со вонземјаните, како на друи планети, така и на земјата, во потрага по заборавените космонаути во мрачните предели на недопрената вселена. Со помош на Pink Floyd и Hawkwind нашиот брод прими некакви чудни звуци и одлучивме да го откриеме местото од каде доаѓаат. Тие доаѓаа од една планета на која се слушаа и звуците на Van Der Graaf Generator, Gong, Spacemen 3, Ozric Tentacles, Om, Lumerians. На таа планета нé пречекаа неколку вонземјани кои имаа чудни еротски фантазии за кралицата на вселената Барбарела и се обидоа да не стават во нејзина кожа. Ние се браневме со познати техники за преживување од Invasion Of The Body Snatchers, Alien, Xtro, 2001: A Space Odyssey, Total Recall, Sunshine, Starship Troopers, Solyaris, Slaughterhouse-Five, Screamers, Planet of the Vampires, Moon, Galaxy of Terror, Event Horizon, Astro Zombies, It! The Terror from Beyond Space, Predator, Jason X, Apollo 18 и многу други. Во обид да избегаме од таа планета нашето вселенско летало се соочи со проблеми во полетувањето и од далечината на бесконечноста го слушнавме ехото на The Grudge на Tool и се вративме во студиото на Канал 103 да го завршиме нашето патешествие за таа вечер.     
На крајот од текстов ќе може да го пронајдете линкот за спуштање на ова чудно радио патешествие, на еден бизарен начин, посветено на првиот краток хорор филм снимен надвор од Земјата. Хорор жанрот сега не е само интернационален, туку и интерпланетарен. Дозволете екипата на Danse Macabre да биде вашиот водич низ универзумот на хорор филмовите. Облечете го скафандерот, пуштете ја емисијата и полетуваме...


Линк за емисијата:  



Astro Zombies
Event Horizon
Galaxy of Terror
Jason X
Xtro

Total Recall
2001: A Space Odyssey
Apollo 18
Moon
Slaughterhouse - Five
Sunshine

 

Monday, February 13, 2012

Danse Macabre 87 издание: Култови и секти во хорор жанрот – Крв на олтарот...



Ritual sacrifice in the name of horror

            По полноќ помеѓу 10 и 11 февруари на Канал 103 започна 87 идание на радио хорор емисијата Danse Macabre, овој пат посветено на тоа како настануваат култовите и сектите, што впрочем се тие, кои се нивните членови и лидери. Во оваа емисија зборувавме за најпознатите деструктивни и автодеструктивни култови и за култовите кои се претставени во хорор филмовите, започнувајќи од Rosemary’s Baby, The Wicker Man и The Devil's Rain, преку Suspiria, Children of the Corn, The Ninth Gate и Suicide Club па сé до Martyrs, The House Of The Devil, Red State и Martha Marcy May Marlene. Од култовите во светски рамки се префрливме на неколку „домашни“ култови и секти и позборувавме за балканските и македонските кружоци на Црна Ружа и останатите секти и на наше големо задоволство прочитавме извадоци од романот на Димко Тасевски – Дитас „Децата на ѓаволот“, потенцирајќи како не треба да изгледа еден приказ на оваа тема и за тие што се заинтересирани за литература на оваа тема го потенциравме романот „Наживо“ на Дејан Огњановиќ како одличен извор за тоа. Во емидијата ќе може да слушнете како зборува ѕверот Алистер Кроули и да го слушните како свири магот Антон Ла Веј и неговите следбеници од Сатанистичката црква во нивниот бенд Radio Werewolf и секако голем број на одлични „секташки“ композиции од: The Beatles, Black Sabbath, Cult Of Occult, Orange Goblin, Pop, Nebula, Church Of Misery, Electric Wizard, Tool, Fantomas, Black Widow и други. 
            Под текстов ќе може да го најдете линкот за спуштање на оваа епизода. Повторно имате избор дали ќе ја преземете целосната епизода или ќе го слушате само говорот додека ги изведувате вашите ритуали, но за што и да се одлучите, јас Ивица и Боки сме тука да ви помогнеме во ритуалното жртвување во името на хоророт. Смрт за цензорите и политичката коректност – да живее хорор жанрот.   
 
Линк за епизодата:
 


Само говор:

 

Children Of The Corn

House Of The Devil

Martyrs

Kill List

The Devil's Rain

Red State

Suicide Club

Suspiria

The Wicker Man
Rosemary's Baby

Tuesday, February 7, 2012

Dance Macabre 86 епизода: Cinema Verite / Found Footage хорор филмови – Документирање на последниот здив



Blood on the camera, death on the tape!



            На полноќ помеѓу трети и четврти февруари на Канал 103 започна 86 издание на радио хорор емисијата Danse Macabre посветена на Cinema Verite односно Found Footage хорор филмовите снимени во прво лице. Во оваа епизода станува збор за хорор филмовите во кои се снимени последните моменти од животот на ликовите кои се преблиску до смртта и сето тоа сурово го снимиле на филмската лента. Во оваа епизода позборувавме за тоа каква е функцијата и поставеноста на камерата и заемниот однос кој го има со субјектите кои го снима. Говоревме и за човекот зад камерата и за улогата на гледачот кој од удобноста на својот дом навлегува во мистеријата на ликовите заробени во снимката. Говоревме и за голем број на хорор филмови кои се изработени на овој начин, без разлика на тоа дали станува збор за снимки на убијци кои ги мачат и убиваат своите жртви, снимки на ловци на духови и истражувачи на паранормалното кои стануваат жртви на нивната потрага, снимки од илегални тестирања, снимки од банди во маало или документирање на војна од прва рака. Во емисијата зборувавме за филмовите како: Cannibal Holocaust, Man Bites Dog, The Last Broadcast, The Blair Witch Project, August Underground серијалот, The Last Horror Movie, The Curse, The Zombie Diaries, The Poughkeepsie Tapes, Paranormal Activity, REC, Home Movie, The Troll Hunter, Grave Encounters, The Devil Inside, V/H/S и многу други. Музичките блокови содржеа композиции од бендовите: Zombie, Zombie, Bongripper, Vladimirs, Goatmare & The Hellspades, Creepersin, Orchid и многу други.
            Во контекст на темата на оваа епизода јас и Боки одлучивме да направиме еден чекор напред и покрај тоа што ќе може да ја даунлоудирате емисијата од линкот под текстот и да слушнете извадок од емисијата само со говорот од студио, за да бидеме автентични и доследни на тоа што го зборуваме, Боки постави камера и целата емисија беше снимена во видео формат. На тој начин се соочивме со објективот и микрофонот во исто време, заклучувајќи дека не е исто да се биде пред камера и зад неа, а видео снимката на екипата на Danse Macabre ќе може да ја пронајдете по нашето напуштање на светот на живите. Смрт за цензорите и политичката коректност – да живее хорор жанрот. 


Линк за емисијата:


Само говор:
 

Noroi

The Blair Witch Project

Man Bites Dog

Grave Encounters

Home Movie

Cannibal Holocaust

The Last Broadcast

The Last Horror Movie

Paranormal Activity

Rec

Troll Hunter
The Tapes