Saturday, June 25, 2011

Кошмар на Канал 103





КОШМАР ВО DANSE MACABRE

Во петок (17 јуни 2011 година) по полноќ започна 73-тото издание на хорор емисијата Danse Macabre на радио Канал 103. Јас бев гостин на оваа радио емисија. Оваа епизода беше поделена на три сегменти: првиот беше посветен на македонскиот хорор магазин Кошмар, вториот беше посветен на Српски Филм кој пак беше вовед во последниот дел на емисијата што всушност претставуваше тематската концепту-ализација на епизодата, наречен Политички Хорор, односно во тој сегмент низ една историографска призма беше претставен меѓусебниот однос на политиката и хорор жанрот. Оваа епизода на Danse Macabre покрај тоа што обработуваше доста интригантна тема на која разговаравме јас, Ивица и Боки, беше исполнета и со одлична музика од фантастичните бендови како Tool, Ghost, Sleepytime Gorilla Museum, Acid Bath, Electric Wizard, The Melvins, Death In June, Grinderman, Swans, како и насловните теми од The Devils Rejects, Suspiria, Nekromantik, The Texas Chainsaw Massacre, Српски Филм. Целосното 73-то издание на Danse Macabre може да го спуштите од линкот кој е поставен под текстов. Соработката помеѓу македонскиот хорор магазин Кошмар и радио емисијата Danse Macabre ќе продолжи и во иднина, па се надевам дека ќе уживате од плодовите на таа соработка, од кои дел е и оваа епизода. Смрт за цензурата и политичката коректност – да живее хорор жанрот!  

 Линк од епизодата:
















Sunday, June 19, 2011

Кошмар Тестамент бр. 9 (Есен-Зима 2010)


КОШМАР 9

            Кошмар и оваа година има обединувачки број за две сезони. Причината поради која Кошмар 9 ги опфаќа есен и зима е тоа што есенскиот период е најбогатиот филмски период за хорор жанрот во годината и потребно е (како што се покажа минатата година) да се создаде поголем избор за да се направи квалитетна селекција, затоа што летото е апсолутно сушен период за жанрот, чиј последици би ги сносил квалитетот на есенскиот број на Кошмар. Не дека квантитетот раѓа квалитет, но сите автори сакаат да ги протнат своите проекти околу Хеловин па затоа за доброто на читателите се избегнати апатичните просечни филмови и издвоени се филмовите кои изобилуваат со моментално најголемиот квалитет во хорор жанрот во светот. Затоа во магазинот ќе прочитате анализи на српскиот Zivot I Smrt Porno Bande, последниот филм од Saw, свежиот и независен The Loved Ones, Ноевиот Enter The Void, Chatroom на Наката, корејскиот I Saw The Devil, независните но моќни: Amer, Neighbor, Hunger, Buried, Heartless, 7 Days, Machete на Родригез, кино хитот Paranormal Activity 2, како и хорор комедиите: Brutal Massacre, Rosencrantz & Guildenstern Are Undead, Suck. Во овој број можете да ги прочитате интервјуата направени со канадскиот хорор режисер Рајан Николсон и финските хорор режисери Томи Лепола и Теро Молин. Од класиците своето место во Кошмар го пронајдоа: Карпентеровиот The Fog, шокументарецот The Last Broadcast, Крејвеновиот A Nightmare On Elm Street, генијалниот Subconsious Cruelty, The Evil Dead на Раими и црно-белата класика London After Midnight. Во бројот има артикли за третиот и четвртиот дел од Faces Of Death серијалот, Poltergeist трилогијата, втората сезона на Masters of Horror и третата сезона на True Blood, прилог за делото на Вес Крејвен и убиецот Кендимен, разработена е идеологијата на Вампирскиот хорор поджанр и феноменот на римејкувањето. Секако дека контињерот е наполнет со најлошите филмови, а има и фестивалски рапорт како и филмски новости. Од музичките рецензии ќе читате за хорор панк изданијата во рубриката Дисторзиран хорор, филмска музика во Аудиодром и грајнд во Грајндер. Во бројот има анализа на хорор книга и расказ на авторот на Кошмар.
            Кошмар се создава додека луѓето спијат. Ова е магазин кој е работен од еден човек и сам по себе бара големо внимание и посветеност, а пред се многу труд и добро познавање на жанрот. Ова се критериумите и вредностите врз кои е израснат Кошмар, ако тие се доволни за вас, тогаш станете дел од подржувачите на овој македонски хорор магазин.     


Хорор филмовите ги сметам за уметност, филмови за соочување. Филмови кои бараат да се соочиме со одредени аспекти на нашите животи кои се тешки за соочување. Ако работите хорор филм, тоа не значи дека тој не може да биде уметнички филм.
                                                                                                      Дејвид Кроненберг

             

 
Контакт за порачување
мејл : koshmarmk@yahoo.com
телефонски број: 071-602-119
веб страни:  www.myspace.com/koshmarmk
www.terrorblast.tk
Цена: 60 денари