Danse Macabre 81 епизода: Најдобрите и најлошите хорор филмови во 2011

 Danse Of The Dead – Од што се плашевте во 2011

 

            На полноќ помеѓу 23 и 24 декември на брановите на Канал 103 започна 81 издание на радио хорор емисијата Danse Macabre која овој пат тематски беше фокусирана на сето тоа со што хорор жанрот може да се пофали или засрами во 2011 година. Јас, Ивица и Боки позборувавме за филмовите кои оставија најголем впечаток, филмови кои ќе бидат запаметени како стожери на хорор жанрот за оваа година. Во овој преглед на најзначајни филмови кои треба да бидат споменати се најдоа Insidious и The Woman, филмови кои хорор фановите имаа можност да ги погледнат на Мрак Фест, потоа Melancholia и The Skin I Live In филмови кои се најдоа на програмата на овогодинешниот Синедејс, како и независните изненадувања Grave Encounters, Rubber, Seconds Apart, The Human Centipede 2 (full sequence), Attack The Block и други. Покрај овие филмови споменавме и неколку наслови на просечни филмски остварувања и една долга листа на филмови кои не ви ги препорачуваме да ги гледате, затоа што ние се излажавме да ги погледнеме како дел од тие стотина хорори од оваа година со кои ги почастивме нашите очи и затоа ве посоветуваме вашето слободно време да го насочите кон многу поважни филмски остварувања од нив. За време на музичките паузи во Канал 103 ја гледавме последната епизода од првата сезона на ТВ серијата American Horror Story и коментиравме за значењето кое го има оваа серија во подобрувањето на нивото на тоа како треба да изгледа една хорор ТВ серија. Страшни работи може да произлезат од тој HD, само некој треба да знае да ги спроведе. Музичкиот блок на емисијата како и секогаш е прилично квалитетен и еклектичен, а во оваа епизода преовладуваа најдобрите музичките изданија за годината. Овој пат во етерот на Kанал 103 можеше да се слушнат: Dead Man’s Bones, Esben And The Witch, Crystal Stilts, Chelsea Wolf, Dead Skeletons, Mars Red Sky, The Cosmic Dead, Rezurex, Gravesideservice, TV Ghost, Psychostars, Colin Stetson, Heroin And Your Veins и други.

            Линкот за емисијата е поставен под текстов. Се надеваме дека од понудениот избор ќе го пронајдете вашиот фаворит за оваа година и тоа ќе биде филм кој ќе ви остави длабоки трауми во вашата потсвест за да може секоја ноќ сцените од него да живеат во вашите кошмари. Danse Macabre беше со вас оваа година и ќе биде во наредната да го стимулира вашиот страв. Уживајте во хорор филмови.

Линк за емисијата: 

http://ifile.it/gjs8tu6 

 

Grave Encounters

The Human Centipede 2 (Full Sequence)

Insidious

Seconds Apart

Melancholia

The Skin I Live In

The Woman

Избор на Danse Macabre за албум на 2011 година

DEAD SKELETONS - Dead Magick

            Како и секоја авторска емисија на Канал 103 така и Danse Macabre има право да влијае на создавањето на комплетната листа за најдобар музички албум за 2011 година нудејќи го својот избор кој ќе се земе во предвид за создавањето на конечната листа на најдобри албуми на Канал 103. Во продолжение на текстот може да ја погледнете целосната листа за десетте албуми на годината според радио хорор емисијата Danse Macabre која Ивица и јас ја составивме. На мрачната листа има стонери, думери, амбиенталци, магионичари, хорор панкери, џезери, еден луд саксофонист и Мајнард Џејмс Кинан. По листата може да го пронајдете линкот од 25 декември кога ја претставивме листата на најдобри десет албуми според Danse Macabre во живо на Канал 103 заедно со Костадин Шурбановски. Уживајте во хорор филмови.

1. DEAD SKELETONS - Dead Magick
2. MARS RED SKY - Mars Red Sky
3. COLIN STETSON - New History Warfare Vol. 2: Judge
4. THE COSMIC DEAD - Psychonaut
5. DEMDIKE STARE - Tryptych
6. ESBEN AND THE WITCH - Violet Cries
7. LONELY KAMEL - Dust Devil
8. PUSCIFER - Conditions of My Parole
9. EARTH - Angels of Darkness, Demons of Light Part I
10. REZUREX - Dance of the Dead

Линк од претставувањето на листата во Канал 103:

http://ifile.it/in3y5r8

MARS RED SKY - Mars Red Sky

COLIN STETSON - New History Warfare Vol. 2: Judge

 

 

 

THE COSMIC DEAD - Psychonaut

 

 

DEMDIKE STARE - Tryptych

 

 

 

 

 

ESBEN AND THE WITCH - Violet Cries

 

 

LONELY KAMEL - Dust Devil

 

 

 

 

 

 

 

PUSCIFER - Conditions of My Parole

EARTH - Angels of Darkness, Demons of Light Part I

REZUREX - Dance of the Dead

Danse Macabre 80 епизода: Одмор од вашите кошмари

Летувајте со туристичката агенција на Danse Macabre до егзотичните дестинации во еден правец

            На полноќ помеѓу деветти и десетти декември започна осумдесеттата епизода на радио хорор емисијата Danse Macabre на Канал 103. Оваа недела јас, Ивица и Боки решивме да ве прошетаме низ најатрактивните туристички дестинации кои толку многу пленат со своите убавини што кога еднаш ќе ги посетите никогаш нема да може да се вратите во удобноста на вашите домови. Ако пред неколку епизоди важеше девизата дека вашите куќи се проколнати, во оваа епизода важи правилото „There is no place like home, There is no place like home, There is no place like home“. Како совесни туристички водичи екипата на Danse Macabre ви подготви неколку пакет аранжман со кои може да ги посетите овие далечни локации на другиот крај на светот за кои вреди да се умре. Во контекст на тоа приложивме неколку урбани легенди кои се поврзани со процесот на патувањето и неколку среќни патувања кои завршиле со несреќен крај. Во емисијата ги посетивме локациите на неколку незаборавни туристички хорори како: Hostel, Turistas, From Dusk ‘Till Dawn, A Perfect Getaway, Wolf Creek, The Descent, Cabin Fever, Open Water како и туристичките локации кои никогаш не стареат, како на пример тие во Tourist Trap, The Hills Have Eyes, The Texas Chainsaw Massacre, The Hitcher, An American Werewolf in London, Friday the 13th, Cannibal Holocaust, The Evil Dead и многу други. Доколку веќе патувате ви понудивме внимателно одбрана музика која може да ви го збогати патувањето, па од радио приемникот во вашето возило може да слушнете музика компонирана од Анџело Бадаламенти и Дејвид Линч, потоа музика од бендовите: Tito and Tarantula, Probot, Mastodon, Stoner Train, Orchid, SubRosa, Marilyn Manson, The Dillinger Escape Plan, Acid Bath и многу други.

            Линкот за емисијата е поставен под текстов. Со Danse Macabre не ви е потребна туристичка виза да патувате на егзотичните места. Не ви е потребна никаква легитимација која и така при другите патувања ќе ви биде украдена. Само потребно е да платите однапред, во готово. Не примаме плаќање на рати затоа што сигурно нема да се вратите од вашето патување, за кое ви гарантираме дека ќе биде уникатно и неповторливо. Уживајте во хорор филмови.

Линк за емисијата:

http://ifile.it/ykt714v

Cannibal Holocaust

Friday the 13th

From Dusk ‘Till Dawn

Hostel

Hostel 2

The Hitcher

The Hills Have Eyes

Tourist Trap

Turistas

Danse Macabre 79 епизода: Снаф филмот како најекстремна уметничка форма

Светло, камера, акција...смрт

На полноќ помеѓу втори и трети декември започна новата епизода на радио хорор емисијата Danse Macabre и како тематска определба на 79-тата епизода беше најконтроверзниот филмски хорор поджанр, неговата екселенција - Снаф филмот. Јас и Боки се одлучивме да му дадеме простор на овој феномен на популарната култура во македонскиот радио етер и јавно да проговориме за уметничката и криминалистичката страна на филмовите за убивање пред камера. Дискутиравме за тоа каде и како се појавиле овие филмови, кој сé има снимено Снаф филм, говоревме за тоа кои се границите кои еден уметник треба да ги надмине за да може да го прикаже забранетото пред камера. Во емисијата зборувавме за хорор филмовите во кои се употребуваат Снаф елементи кои се составен дел од сценариото и говорат за феноменот на Снаф филмовите, филмови како прекрасните: Peeping Tom, Snuff, Thesis, Videodrome, Cannibal Holocaust, Mute Witness, 8 mm, Snuff-Movie, Snuff 102 и српските Zivot i Smrt Porno Bande, Srpski Film и E-Snuff. Во друг сегмент беа категоризирани стилизираните Снаф филмови, односно тие кои со својата суровост се доближуваат до границата на уметноста, филмови како: August Underground трилогијата, Guinea Pig серијалот, Broken, I Love Snuff, Psycho, Mu Zan E, The Great American Snuff Film и многу други. Последниот дел од емисијата е посветен за криминалистичката страна на Снаф филмовите, односно филмовите кои ги имаат снимено сериските убијци при убивањето и мачењето на своите жртви, егзекуциите на војниците во Блискиот Исток, атентатите кои се прикажани во медиумите и документарците кои содржат снимки во кои се овековечува убивањето, односно тие се сведоштва на преминот помеѓу завршувањето на животот и започнувањето смртта. За инспирација на убијците подготвивме и музика која одговара на темата, композиции на: Nine Inch Nails, Bongripper, Tool, Slayer, Necrophagia, Voodoo Zombie, Lonely Kamel, Maldoror, Peeping Tom, Planet X и други.

Линковите за оваа епизода можете да ги најдете под текстов. Првиот е целосната верзија на емисијата, со говорот, извадоците од филмовите и музиката, а вториот е линк за изолиран аудио фајл составен само од говорот за тие што се заинтересирани да го слушнат само говорниот сегмент од студиото во Канал 103 за Снаф филмот. Екипата на Danse Macabre ви стои на располагање да го овековечи вашето прво и последно појавување пред камера (Боки е подготвен да ја вклучи камерата, а јас секогаш имам оружје при рака). Уживајте во хорор филмовите. 

Линк за епизодата

http://ifile.it/ljume9q

Линк само со говорот во студио

http://i.mixcloud.com/Cv1G9

Snuff

Srpski Film

Cannibal Holocaust

Maskhead

Mute Witness

Thesis

Snuff 102

Snuff Movie

The Great American Snuff Film

Videodrome

August Underground

Peeping Tom

Danse Macabre 78 епизода: Кога лудаците ќе ја освојат лудницата

На полноќ помеѓу 25 и 26 ноември започна втората епизода од новата сезона на радио емисијата Danse Macabre на Канал 103. Во оваа епизода јас, Ивица и Боки решивме да ги посетиме најзначајните лудници во хорор филмовите и да ви прераскажеме што прават пациентите во нив. Во емисијата позборувавме за суровите третмани кои биле извршени врз пациентите, некои од нив морале дури и да го жртвуваат својот живот за „научни цели“. Во емисијата станува збор и за морбидните преданија кои се поврзани со духовите на мртвите пациенти и нивната моќ да завладеат со посетителите на менталните клиники кои еднаш влегуваат помеѓу четирите ѕидови и никогаш не излегуваат. Прошетката низ опседнатите ментални институции ја започнавме во американските Атина, потоа Амитивил, Веверли, Бедлам и други оживеани проколнати домови на лудите кои само сакаат да си поиграат со вас во санаториумите на ридовите, за да поминеме и низ Балканот, во невропсихијатрискиот оддел на белградската клиника. Оттука се префрливме во светот на уметноста и ги посетивме култните филмовите The Cabinet of Dr. Caligari, Dr. Jekyll and Mr. Hyde и Shock Corridor, потоа Don't Look In The Basement, Frances, Bad Dreams, Nightmare in a Damaged Brain, продолженијата на хорор серијалите за Фреди, Мајкл и Ксенобајтите кои се случуваат во ментални институции, и на крај ги посетивме најактуелните: Grave Encounters, The Ward, Death Tunnel, Insanitarium, Autopsy, Shutter Island, Session 9 и многу други. Секако дека имаме направено добар музички избор кој може да послужи како терапија за лечење на лудаците, посебно композициите на: Hesus Attor, Naked Ciry, Queens Of The Stone Age, Fantomas, Acid Bath, Type O Negative, King Diamond, Samael, Third I, Nine Inch Nails, Candlemass и други.

            Снимката на емисијата може да ја земете од линкот кој се наоѓа под текстов и да се прошетате во царството на лудилото. Уживајте во хорор филмови!

Линк за емисијата:

http://ifile.it/xmhkgot 

The Cabinet of Dr. Caligari

Grave Encounters

Shock Corridor

    Веверли Хилс санаториум

Session 9